** تايه فى حزن وهم ** للشاعر - عزالدين جبريل

تايه فى حزن وهم
واللى بيسكن قلبك
عمرةما بيك إهتم
كل كلامك طيبه
وبتتشد بحاجة غريبة
وهو بينشن صح
وبيرميك سهم بسم
انت بتخلص حبك
وبتعاند انت و قلبك
وهو عليك ولا بيتلم
يوماتى خصام وعناد
وانت ياعينى عليك
عايش لى دور الشهم
وتيجى ساعة لقا
وبعديها الف غياب
ولا فارقه معاة ولا يهتم
وانت يوماتى تفكر
ويذيد عليك الهم
وقلبك ولا يوم تاب
شايفك بتعيش ف عزاب
ولا بيختشى ولا بيتلم
انت دموعك تنزل عوم
وهو ولا عندة هموم
ولا بيفكر ولايهتم
اياك تانى تحب
او يتعلق لك قلب
كل كلام الحب
كدب ووهم فى وهم

Posted in: شعر عامى أميره شقير