بَحبك يانيل ٠٠ وبَحِبك يامـــــــــصـــــــــر
*************
نيل يانيل
يالى
ميتك بتسرى فى دمى
ياشاهد على حبى
ياسامع نبض قلبى
فى قلب الليل يانيل
ضمنى وسمى
فى حضنك يانيل
بحس بحضن أمى
ومفيش أبداً بديل
هاينسينى همى
غير حضنك يانيل
غير حضنك يانيل
*******
يانيل
هنا كانت أحلام الطفوله
وهنا كانت الخطوه الأولى
وأول همسة حب
وأول دقة قلب
وأول كلمه إتقالت
فى حضرتك بسهوله
وكانت بدايه لحلم جميل
ورحله عمر ومشوار طويل
مشيته ورجعت منه يانيل
بعد ماشفت كتير وقليل
بقلب راجع يرد الجميل
وبكل لغات العصر
بقولها
بَحبك يانيل
وبَحِبك يامصر
***********
بَحبك يانيل ٠٠ وبَحِبك يامصر
بقلم الشاعر يوسف الحمله
24/4/2015
Posted in: شعر فصحى
0 التعليقات:
إرسال تعليق