ينفع كده بقلم الشاعر صلاح الصغير

ينفع كده
-------
ينفع كده
انشغل بيكى
واسهر لياليكى
واستنى طول الليل
لنظره من عينيكى
----------------
ينفع كده
اقف على الشباك
اهيم على زكراك
احلم اضم ايديك
واكون انا دنياك
--------------
ينفع كده
فيكى اتغرب
جواكى انا اهرب
ومن نسمة هواكى
قلبى يتكهرب
---------------
ينفع كده
لما تواعدينى
اصبر وماتجينى
وانت متاكده
بان انتى نور عينى
-----------------
 

 ينفع كده
يوماتى استنى
واتمنى اتهنى
عشان الاقيكى
والقى معاكى ال منى
-------------------
لو ينفع كده
طبعا انا قابل
بس نتقابل
ونعيش مع بعضنا
بالحب نتبادل
-----------
وعشان كده
نبقى فى بيت واحد
عالعهد نتواعد
ولا شىء هيبعدنا
ما انتى وانا واحد
---------------
بقلمى الشاعر صلاح الصغير

Posted in: محمد يزن عامي