( أرشيف وخريف )
فتش
في دفاتر
عمـرك
عن قلب
يكون بيحبك
فتش
في الماضي
وقـَلب
يمكن علي جرحك
تتغلب
وألا أنت خلاص
أعلنت الإفلاس
ورفعت الراية
البيضا
خلي البراويز
تتكلم
وبلاش تفضل
تتألم
الشمس بتطلع
من غير ما تشوف
وبتمسح
وبتكتب
من تانى كشوف
والصفحة بتاعتك
في الأرشيف
ويا اللي مقضي
الخدمه
والـواخد تأجيل
ورديف
والصبح بيفتل
نوره جدايل
والحلم المركون
علي كفك
مايل
لساك شايل
أحزانك
جواك تماثيل
قلبك كان
كعبة زمان
قبل ما تترص
الاوثان
لساك
مش لاقي مكان
لساك عمال
تحلم
بالضايع منك
في الأرشيف
والقصة خلاص
وفي آخر فصل
منظر خارجي
الورق الطاير
عـ الأرض
وستارة بتنزل بـ خريف
وستارة بتنزل بـ خريفّ!!
ونهاية عرض.................................
0 التعليقات:
إرسال تعليق