صباح الفُل
صباحكُم فُـل كالعاده
وحِلـوْ وسُكَّرُه زياده
ياأهلى وناسى وحبايبى
ياناسيين غُلبُكوا وغُلبى
وعايشين بس مُش أكتر
صباحكُم ورد ومزَهَّر
ومَكتوب لينا ومقَدَّر
نعيش ولفقرِنا نخَبِّى
ودقات قلبكوا ف قلبى
واللِّى بشوفنا بِستكتَـر
نكون سُعدا كِده وراضيين
وبنقـول رَبِّنـا اللِّى مُعين
وهايكـون جَنبُكوا وجَنبى
وهانلاقـى الحيـاه بَمبـى
وادينـا مِسيرنـا نِتقـدَّر
وادينـا مِسيرنـا نِتقـدَّر.
0 التعليقات:
إرسال تعليق