و لا ملايين الدنيا .......... بقلم الشاعر محمد أبو المعاطى

و لا ملايين الدنيا


.......................


بعتلك مرسالى


و لسه الرد ما جالى


بعتلك مرسالى


يحكيلك عن أحوالى


عن شوقى و نارى


و لسه الرد ما جالى


لسه لوحدى ف دارى


و انت لوحدك ف بالى


هو فى غيرك جارى


و لا فى غيرك قبالى


و انت لوحدك جدارى


و القسمة المكتوبالى


بعتلك مرسالى


يحكيلك يا غالى


يحكيلك عن عيالى


و لسه الرد ما جالى


هو فى غيرك ليهم


و لا فى غيرك تالى


الله يخليك و يخليهم


رد على مرسالى


تغيب و تقول غصبٍ عنى


هو انا برقص و اغنى


ما انا بشقى عشانكم


و مش مستنى حاجه منكم


و ان كنا احنا مستنيين


و لك يا غالى مش ناسيين


تحرم علينا الملايين


لو تبعدك عنا


و انت دايمًا ف بالنا


و لسه ردك ما جالنا


تعالى شوف عيالنا


ضاعوا من أطماعنا و خيالنا



و لا ملايين الدنيا تقربهم منك


و لا ملايين الدنيا تبعدهم عنك



..........................................

Posted in: شعر