يرحم ترابك أبوعرب
ياتوتةالدّار صبرك ع الزمان لوجار
لابد من عود مهما طول المشوار
حنا شعب ينتظر قرار
وللعدى نقلب كل الحساب
ياتوتة الدار حلفتك برب البيت
ورب الكعبة أنا ما اشتكيت
لكن الدهر شيبني وبكيت
لما شفت قدسنا تغتصب
أنا ياتوتة الدار للظهر حنيت
وراسي شاب واستويت
لكن خلفي أشبال تهد الحيط
وتنتظر يوم اللقا المرتقب
ياتوتة الدار حني على اللاجئين
يلي بخيام الذل ساكنين
وفي بقاع الأرض مشردين
وخلي أغصانك تشعل غضب
ياتوتة الدار دمعي نزل على خدودي
لما صهيوني رقص على مقابر جدودي
وطلبت من أمي بارودة
لقيت أمي مبيوعة من أرذال العرب
ياتوتة الدار باعوا أمي وأرض باعوها
وعمي وأختي وأخوها
وكيف الذياب يرعوها
ونئمنهم على أرض بتنتهب ؟
ياتوتة الدار تبت يدا أبي لهب
وعنا اليوم مثله ملايين من العرب
والكل منهم يشعل النار في الحطب
وينسى عدو وأرض القدس بلاسبب
ياتوتة الدار دمعي نزل على الوجنات شلال
ودمي نزف من جرحي وسال
لكن بكل قطرة صار منه زلزال
تحرق كيد العدا وتبعث الآمال
أنا يا أحباب أبو عرب علمني المواويل
وعمري بحياتي ما أعيش ذليل
وجيل الثورة يتبع جيل
ولابد من يوم نعود ونحمي التراب
0 التعليقات:
إرسال تعليق