قصيدة ( أهدى يا واد ) &&& بقلم هانى حُزين

قصيدة ( أهدى يا واد )

........................................

دماغها راكبه خلف خلاف...

العند تصبح فيه وتبات...

وشايفه تفكيرها صح تملى..

وبتجلى منها قال اوقات ..

منين م تشوفينى مفيش بلسانها ..

غير شخلل جيبك اووام وهات ..

فلوسي رايحه ومدمرها..

على الفشخرة والظهورات...

وعايزنى دايما اهاود جنابها...

واشكر فيها واقوول شربات..

أقول لها اهدى يا ست عليا..

مهيتى موش حمل الطلبات...

حرام اتقى ربنا فيا ...

خلصت السلف والاعانات...

تزغرلى بطرف عنيها ...

وتسمعنى ادعاءات...

بأنها صابرة وراضيه بعيشتها...

بس انا راجل لتات...

وانها قابله تعيش معايا...

عشان ولادنا وخاطر البنات...

وانى م بأفكرش فيها...

ومعاها بحالات وحالات...

وانا اللى عليا بأسمع من سكات..

وكل م افكر أأقسي عليها....

قلبي يقوللى اهدى يا وواد !!

Posted in: شعر عامي