يالابسه الغوايش ..... شعر /عمرو الجوجرى

يالابسه الغوايش ..... 


يالابسه الغوايش فى إيدك


ومعلقه فى القدم خلخـال 


والطرحه فوق راســك


وحاطه على كتافك شال 

وعقد لولى زاين رقبتـك

وفى ودنك حلق بهــلال

فى صدرك كردان على قدك

ومحمره خدك يمين وشمال

ومزينـه بالكحـل عينــك

ومفلفله بخطوتك عزال

وجمـالك فتـن حسـادك

والكـل فى هـواكـى مـال

مدلعه ومدللة بحسنـك

وكـل اللى شافـك قـال

بتمنى أنول أنا قربك

أجيب مهرك على جمال

أنا مالقيـت جمـال زيـك

وغَيـرتى حالى حـال

Posted in: شعر