****رَمَضَانُ...أَكْلَك شَكْلُ تَانِى ***
*******
كل الأكل طعمه أتغير
حاجة غريبة حاجة تحير
الفاكهة زادة حلوتها
والمانجو ادورت خدودها
وعصيرها أحلى عصارة
سألتها أيه العبارة
قالت رمضان قاعدلى
فى كل شارع وحارة
وعقدى مع رمضان
مكسب مش خسارة
طبق السلطة اتزوق اكتر
مقدرش أسيبه بتمختر
فلفل وخيار وجرير وزعتر
كل ناس فى رمضان عشقاه
لهم الحق طعمه يا محلاه
كل الأكل له شكل تانى
وطبق الملوخية رحت شدانى
والعصير له شكل جديد
والكل يتغير بعد العيد
أصل الطعم هو لرمضان
كل دقيقة تخلينى سعيد
التمر هندى سواده مريح
عطر المسك منه يفيح
وقمر الدين وشه جميل
ملك جمال مش عصير
وفول المدمس الناس عايزة
مربوطه بيه مش سيباه
كل سحور العيلة ندهاه
بالزيت الحار يا محلاه
والجبنه البيضة عامله حفلة
وفى الصفرة بفستان الزفة
والزبادى علي ينادى
مع إنه أكل ولادى
وصلحنى فى رمضان
بعدخصامى
تم الصلح بين الناس والأكل
بعد متغير الريح والشكل
والمصلح كان رمضان
فيك البركة يا أبو إحسان
0 التعليقات:
إرسال تعليق