انت ايه ^^^ بقلــــــم: عــــــادل الشــــــهـــابى

أنت إيه


سألوا أنت أيه وأنت مين ...


وليه كلامك كله حزين ....



ومنه بتدمع كل عين ....



قولت انا الماضى وأنا الحاضر وأنا الذكرى ..


أنا اللى عايش اليوم وخايف من بكره ..


وأنا اللى أمبارح كُنت مجرد فكره ...


أنا اللى فى الدنيا مش حاسس بأمان ...


أنا اللى آمنت للزمن والزمن ليا خان ...


أنا اللى راحوا وتركونى الأهل والخلان ...


أعزرونى على الحزن اللى فى كتاباتى ...


أصل الفرح راح وسابنى لوحدى أواجه حياتى ...


وبين السطور بحاول أخرج آهاتى ...


فين الفرح وأنا أكتب عليه ...


قولولى فين وأنا أسيب الدنيا وأجرى عليه ...


قولولوا تعالى وأنا مستعد أبوس أديه ..


بسأل أمتى الفرح هيجينى ...


وعنه الناس تيجى تهنينى ...




والدمعه فى وجوده ما تشوفشى عينى ...


أعزرونى يا ناس على كتاباتى ديه ...


واعزرونى لأنها خاليه من الحنيه ....



والشجن فيها من الحاجات الأساسيه ..


آه يا كلام حاسك مخنوق ....



وبتسأل أمتى هتروق ...


يا فرح مال كلامك فى الحنجرة مزنوق ..


يا فرح تعالى أنا فى غيبوبه وعاوز أفوق ..


يالى بتسألوا فى يوم أكيد هغير كلامى ..


لما الفرح يكون حقيقه قدامى ...


أو حتى أشوفه حلم فى منامى ...


وقتها أكيد هغير كلامى ...

Posted in: شعر