استنيناك وهلالك لاح---------- وبكل بهاك جيتلنا
بايامك عز الافراح---------- وبلايليك سحر الهنا
بتعم الدنيا سماح---------- والنفس تعلى عن الانا
بتخلى الصدر براح ------- والوجدان قرب السما
بتملا القلب انشراح -------- والروح خشوع لربنا
تتسابق اخلاق ملاح---------- فى ذكر الله يضمنا
-----------------------------------------------
بتالف بين الاغراب ---------- وبتجمع الناس سوا
بتدى من غير حساب ---------- خيرك على الملا
تلاقى القلوب رحاب --------- ببعض محبه وسنا
حاضر يسئال اللى غاب ----- ويقوله والله وحشتنا
بتخلينا اهل واحباب --------- ياريتك طول السنة
----------------------------------------------
الكل على حبك امين ------- حب ورثناه فى قلبنا
عدات وقيم راسخين ------- عايزين خير لبعضنا
لو قلت هانفطر فين ------- تسمع الفين عندى انا
ويحلف عم حسين ------- ويستسمحه عم ابومنى
ويقول عم حنين ---------------- دا ندر عليه انا
----------------------------------------------
حماده فى الوسط يقوم --------- يقول اشمعنى انا
انا عايزدلوقتى اصوم -------- عندى خمسه سنه
جده يقوله معلوم -------- كمان زيهم تصوم زينا
وتصحى بدرى من النوم -- وتصلى حاضر جنبنا
----------------------------------------------
وامورتى الحلوه ياسمين ------ يادوب ست سنين
عارفه القبلى منين ----- وحافظه مواعيد الصلاة
الهمه ياسطى سعيد ----- امرك على العين ياعمنا
فصلها فساتين العيد ------ جاهزين ياغالى عندنا
---------------------------------------------
جبت الفرحة وجيت -------- يابهجة شهور السنة
الزينه على كل حيط --------- مش بس فى حيينا
والكعك والبسكويت -------- منقوش تهانى و منى
يلف الحى بيت بيت -------- ياحبايب دوقو كعكنا
يارمضان كرم وفيت -------- ياكرم شهور السنه
0 التعليقات:
إرسال تعليق