***المَسَاجدُ وَالنّاسُ فِى رَمَضَان***
**************
الناس كتيره فى المساجد
والقلب مع الجبهة ساجد
التقى يتحقق فى رمضان
والمسجد كل يوم مليان
والمسجد اللى فيه صفين
كتروا وبقوا يجى عشرين
وقت الأذان من كل بيت واحد واتنين
واللى كان يطنش الأذان
بقى بيحسبوا مستنيين
وصلاة الجماعة بقيت تاج
والكل لربه محتاج
بيكلمك ربك فيها
إن قلت الحمد لله
قلك حمدنى عبدى
وان قلت رب العالمين
قال مجدنى
الصلاة فى جماعة مضاعفات
سبع وعشرين متماسكات
يومك بخمس للى مصلى وحده
واللى يضاعف الإجر ربك وحده
وفى المغربيةفى الجامع كل ركن مصلى
ينتظر الأذان على النبى صلى
والتمر والعصير كتير يا خلى
وصلاة المغرب للفطار هلى
تصطف الصفوف والريق مبلول
والشمس راحت فى الأفول
وهلت ليلة جديدة
وحلاوة الليل تطول
من صلاة المغرب للسحور
والعاصى يتوب من الخمور
اطلب من ربك تعيش مستور
والكتف فى الكتف فى التراويح
والخير على بلدنا يسيح
ومسك ذكر الله أفيح
وعلاقتك بربك مش عايزة تصريح
وقيام الليل لنفسك مريح
داوم على صلاة الجماعةعلى طول
بلاش تكون زى النجم أفول
عمر المسجد متتحجش انك مشغول
فرضك فرضك مهما تقول
ميفرتش فيه غير معذور أو مخبول
كلامى حق للعقول
0 التعليقات:
إرسال تعليق