غنوة رمضانية ؛تحتاج
لصوت جميل (موثقة عقارى)
(تفرج ف أول أيامك)
لو طول العام تضيق بينا
تفرج ف أول أيامك
وتهل بالخير حوالينا
وفرحة سابقاك قدامك
رزقك ياما وخيرك ياما
يللى ف معنى البركة علامة
وعشان كده نتمنى تجينا
يا شهر رحمة ونور وأمان
والله كتير احنا استنيتا
وأخيرا جيت لنا يا رمضان
سنة وعدت بعد غيابك
واحنا ف شوق على أبوابك
شايلين على اكتافنا ذنوبنا
والكل طمعان ف ثوابك
رزقك ياما وخيرك ياما
يللى ف معنى البركة علامة
تصفى قلوبنا فيك
وبننسى
أى خصام ف غيابك
كان
فيك بنحس إننا
لسه
عيلة واحدة
زى زمان
رزقك ياما وخيرك ياما
يللى ف معنى البركة علامة
وعشان كده نتمنى تجينا
يا شهر رحمة ونور وأمان
والله كتير احنا استنينا
وأخيرا جيت لنا يا رمضان
0 التعليقات:
إرسال تعليق