نشعل الشمعة بفانوسك
بالفرح من كل عام
لما بتهل البشارة
بالهلال ضى الادان
تحضن المادنة ادانك
تسجد بالفرحة قلوبك
تمسح الدمعة فى عينيكى
تشرح الضمة فى قلوبك
يوم صيامك كان دعاكى
يرجع الخير والأمان
وف حاراتك يا بلادى
صوت عيالك كان غناوى
صوت شيوخك فى العصارى
الف مادنة وشيخ مداوى
بالآيات رفعت يجود
ويا راوى وجنب منشد
والصحابة والرسول ( صلى الله عليه وسلم)
بالحديث حكايات تطول
والسراج فى القلب يضوى
بالصيام قناديل بتضوى
امى تضحك للكنافة
تحلا من ايدها اللطافة
والقطايف صنف عال
والفوانيس ويا العيال
مين بينسى النقشبندى
لما ينشد صوت بيشجى
والقيام بعد الصيام
مصر فيها كام صفوف
ادعى يابن النيل يا بار
ادعى رب الكون عمار
ترجع الفرحة لنيلك
تطرح البسمة فى جيلك
يرجع للاسلام سبيلك
لما يهل هلال بعيدك
قلب مصر يعود فنار
والمراكب من بعيد
راجعة بالخير الاكيد
لما تنوى يا حبيبتى
ربى يطرح يوم جديد
أشعار ورباعيات أسامة حسنى
0 التعليقات:
إرسال تعليق