اوعى ف يوم تكتم صوتك
اوعى ف يوم تبقى جبان
عيش الدنيا وحقق حلمك
اوعاك تنسى انك انسان
&&
خايف تخسر ؟؟
ما انت هتخسر
بس هتخسر نفسك اكتر
لو تسكت عالظلم وتقدر
تكسر حلمك تكسر قلبك
وتفرط ف حقك يوم
وساعتها هتعيش مهموم
ويفارق جفنك النوم
&&
هتحس بالذنب الاكبر
لما هتكبر وانت مصمم انك تخسر
ولغيرك تنحنى وتكبّر
وعلى كتافك انت وغيرك يعلا ويكبر
وانت ذليل عايش محروم
&&
اوعى ف يوم تكتم صوتك
اوعى ف يوم تبقى جبان
عيش الدنيا وحقق حلمك
اوعاك تنسى انك انسان
#أميره شقير
0 التعليقات:
إرسال تعليق