الميراث
=======
البطن واحدة وولادة
واخوات بتكبر كالعادة
والأب تاجر كده معروف
وتجارته رايجة ومالية السوق
والام طيبة وحنية ورمز عزة عربية
احمد وعبده مع محمود
والاخت عزة وليها حدود
وكبروا برضه فى نفس البيت
واتجوزوا وده سابوا البيت
والعيشة صعبة على الاولاد
والاب عنده كده املاك
ويطلبوا دايما فى فلوس
والاب يديهم بغموس
وفى كل مرة كده عايزين
ولا مرة واحدة كانوا شاكرين
والاب طيب واصله كريم
يدى ولاده كده عن طيب
والام عايزة صلاح الحال
والبركة ليهم فى الاموال
لكن الطمع كان بالمرصاد
ملا قلوبهم بالاحقاد
ولما مات الاب كمان
طلبوا فى تركة من الاموال
وقالوا بكره الام تموت
ويبقى حالهم كده مظبوط
ويقولوا يعنى يبقى خلاص
ناخد حقوقنا من الميراث
والعمر اصله بأمر الله
هو اللى عارفه ويتولاه
واحمد وعبده مع محمود
سافرو فى رحلة على الحدود
ومحمود يسوق وبسرعة جنان
يخبط فى نقل مليان أحمال
وفى لحظة يبقى الامر خلاص
ولا ياخدوا حاجة من الميراث
ودموع بتنزل كده انهار
من ام مكلومة بتنهار
ولاد يموتوا وهى تعيش
اية وحكمة وعبرة عيش
حياة وموت ده بامر الله
وحكمته دايما فى علاه
والبنت ترفض تركة مال
وتقول دى لعنة حب المال
والام وتصرف وباخلاص
على كل عيلة من الميراث.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
0 التعليقات:
إرسال تعليق