يالا العجب كل العجب
من ناس ضميرها زى الكنب
الطفوله بينهم لعبة كراسى
وأحساسهم أصبح خشب
أحنا اللى بندفع التمن
طفوله وفرمها الزمن
رد قولى أيه العمل
فى حرب قامت ماأنطفت
كنا قومها والحطب
ياطفوله ماتت قبل الآوان
على عودها شاخت ماأستوت
وأنطفى نورها وأظلمت
جاعت وعطشت ماأرتوت
وبدموع الحرب أنكوت
سامع صرحنا كلنا حاسس باآلمنا
فين راحت هى أمنا
بنبكى ونسأل عليها كلنا
ماتت فى حربكم وموتنا معاها
يالا تاجروا بدمنا وبأمننا
وسط الجميع لأجل البلد
وبالأنسانيه والسند
مستنى أيه مستنى ليه
فاتت سنين وأنت قاعد تتفرج
مستنى مخلص والمدد
والله شئ ليه العجب وعجبى!
0 التعليقات:
إرسال تعليق