{{ ديماََ عسل }} - بقلم/ طلعت عامر

أوعاك تخااااااااف
م الحلم لو لساك برئ
أوعاك تعاند سكتك
وسط الطريق
أوعاك فى يوم م الشوك تخاف
كل الورود مليانه شوك
أوعاك تزود فى الخلاف
قلبى اللى حبك كان برئ
لساه غريق
مستنى كلمه تبل ريق
لساه بِيخاف
عمال تقولى انك صديق
وانك معايا بقيت شِريك
وأتاريك بايعنى فى عز ضيق
هجرك جرئ
ياللى انت بايع
لسه قلبى بيشتريك
والنار فى قلبى بقت حريق
انا قلبى مستنى الخلاص
مبقاش خلاص حِمل الكسوف
قلبى اللى أصبح م الورق
مليان قلق
مخطوط حروف
الحرف فيه بمليون خفق
وقت الغسق
يقلب خسوف
النبض فيه بقى بالدفوف
رغم الأهات رغم الظروف
محتاج يعيش
لساه برئ
لساه بيحلم بالرفيق
كل الورود مليانه شوك
بس الرحيق ديما عسل

أ

Posted in: شعر غنائى أميره شقير