** من ذكريات رجل مقهور- جوزونى ** للشاعر - محمد عبد المنصف

===========
الله يسامحهم جوزونى من البلد
قالوا يصونونى
خايفين عليا أصلى ولد
جابولى واحدة والسلام
ما أعرفشى دفعوا فيها كام
وقالولى خدها تكون سند
********************
شفتيها يا أما
قالتلى طبعا دى الآصول
وحلوه يا أما
قالتلى يااااااه ياما فيها قول
قعدت أمنى النفس وأحلم
شبه مين .... تشبه شيرين
هيفاء ... نجلاء .....
لأ ميرفت امين
والطبع ياأما قالتلى زين
دا كفاية تملك فدا نين
سألت أبويا .....
قال كفاية العشرة يا أبنى
دول جيرانا من سنيين
خلص الفرح
ودخلت جرى على العروسه
مشتاق يا ناس
ها اخدلى حضن على الف بوسه
اكب عليكوا. ؟؟؟؟؟
لقيت شوال شبه الجاموسة
فى إيدها فرخه
بتشتكى من المصمصه
بحلقت فيها
قالتلى عيب البصبصه
شوفت العيون متلحوسه
أسمر هباب
وجوز خدود مترصصين
حب الشباب
وشعر نافر من الضفاير
خرجت جرى بدم فاير
بقول حرام والله حرام
لقيت إيدين بيصحوا فيا
من المنام
أتاريه كابوس
*********

Posted in: شعر عامى أميره شقير